​គួរ​ចៀសវាង​ ៧ចំណុច ក្នុងពេល​សម្ភាសន៍ការងារ

ការសម្ភាសន៍ ជា​កិច្ចការ​សំខាន់ ពេល​ខ្លះវាធ្វើឲ្យ​អ្នក​ស្មុគស្មាញ​។ ពេល​សម្ភាសន៍ ទាមទារ​ឲ្យអ្នក​និយាយ​ច្រើន ប៉ុន្តែ​ត្រូវ​និយាយ​ល្អ សម្រាប់​ការសន្ទនា​របស់​អ្នក​បាន​ហើយ ចៀសវាង​និយាយ​ចំណុច​មួយចំនួន​ដូច​ខាងក្រោម ៖ 

​ 

1. ខ្ញុំ​ស្អប់​ចៅហ្វាយ​ចាស់​របស់​ខ្ញុំ​: ទោះបីជា​ចៅហ្វាយ​ចាស់​ជា​មនុស្ស​គួរឲ្យខ្លាច ធ្វើឲ្យប៉ះពាល់​ដល់​អារម្មណ៍​របស់​អ្នក យ៉ាងណាក៏ដោយ ក៏​មិន​ត្រូវ​និយាយ​អាក្រក់​ពី​គាត់​ដែរ​។ អ្នក​គួរ​គិតថា គាត់​មិន​ល្អ​សម្រាប់​អ្នក​តែប៉ុណ្ណោះ ប៉ុន្តែ​គាត់​អាច​ល្អ​សម្រាប់​អ្នក​ផ្សេង​។​

2.  ខ្ញុំ​មិនដឹង​អ្វី​សោះ​ពី​ក្រុមហ៊ុន​: នៅពេល​មាន​សំណួរ​សួរថា អ្នក​បាន​ដឹង​អ្វី​ខ្លះ​ពី​ក្រុមហ៊ុន​យើង​? សំណួរ​នេះ ដាច់ខាត​សូមមេត្តា​កុំ​ឆ្លើយថា "​អ្វី​ក៏​អ្នក​មិន​ដឹង​ដែរ​" ព្រោះ​ជា​ចម្លើយ​ដែល​ធ្វើឲ្យ​ការសម្ភាសន៍​មាន​សភាព​ល្អក់កករ​។ ចម្លើយ​នេះ​មានន័យ​ថា អ្នក​ស្វែងរក​ការងារ​ធ្វើ គឺ​ដើម្បី​ប្រយោជន៍​តែ​ប្រាក់ខែ​តែប៉ុណ្ណោះ​។​

3. ​ទេ​ !​ខ្ញុំ​គ្មាន​សំណួរ​ទេ​: ចុងក្រោយ​នៃ​ការសម្ភាសន៍ និយោជក​តែង​ចង់បាន​សំណួរ​ពី​អ្នក ហើយ​អ្នក​មិន​ត្រូវ​ឆ្លើយ​ថា "​ខ្ញុំ​គ្មាន​សំណួរ​"​។ ពេល​អ្នក​និយាយ​បែបនេះ មានន័យ​ថា អ្នក​ជា​មនុស្ស​គ្មាន​ប្រតិកម្ម អង្គុយ​ចាំ​ស្តាប់​យោបល់​គេ​។ យ៉ាងហោចណាស់ អ្នក​ត្រូវ​រក​សំណួរ​មួយ​សួរ​ត្រឡប់​ទៅ​គេ​វិញ​។​

4.​ ខ្ញុំ​ពិតជា​ត្រូវការ​ថ្ងៃ​ឈប់សម្រាក : ការ​ឈប់សម្រាក​ជា​ការសំខាន់​ណាស់ តែ​ដើម្បី​ការងារ អ្នក​ត្រូវ​តែ​លះបង់​ខ្លះ​។ មិនមែន​ធ្វើការ​ពុំ​មាន​ថ្ងៃ​ឈប់សម្រាក​ទេ គ្រាន់តែ​តិច ឬ​ច្រើន​ប៉ុណ្ណោះ​។ ការ​ឈប់សម្រាក​អាច​ចរចា​បាន​នៅពេល​ក្រោយ តែ​សូម​អ្នក​កុំ​សង្កត់ធ្ងន់​លើ​ការ​ឈប់សម្រាក​ពេក នៅ​ពេល​សម្ភាសន៍​។​

5. ​តើ​ ពេល​ណា​ខ្ញុំ​បាន​ធ្វើ​ការងារ​? នេះ​មិនមែន​ជា​សំណួរ​ដ៏​ល្អ​សម្រាប់​អ្នក​សួរ​ទេ វា​ជា​សំណួរ​សម្រាប់​អ្នក​ជ្រើសរើស​សួរ​ទៅ​វិញ​បែប​នេះ "​តើ​ពេល​ណា​អ្នក​អាច​ធ្វើការ​បាន​"​។ ខណៈ​ពេល​អ្នក​ចង់​បង្ហាញ​ប្រាប់ថា អ្នក​មាន​គោលបំណង​ពិតប្រាកដ អ្នក​គួរ​កុំអាល​ប្រាប់​ពី​ពេលវេលា​ធ្វើការ បើ​អ្នក​មិនទាន់​មាន​ការងារ​។​

6. ​ហាម​ដាច់ខាត សួរ​សំណួរ​ទាក់ទង​នឹង ជំនឿ សាសនា ឬ​និន្នាការ​នយោបាយ​។​

7. ​រឿង ​ផ្សេងៗ ដែល​មិន​ចូលចិត្តៈ កុំ​បង្ហាញ​ឲ្យគេ​ឃើញ​ទម្លាប់អាក្រ​ក់រប​ស់​អ្នក ដូច​ជា​ការ​ត្អូញត្អែរ​ចំពោះ​អ្វី​ដែល​អ្នក​មិន​ចូល​ចិត្ត​ធ្វើ ឬ​មិន​ចូលចិត្ត​ឃើញ​។ អ្នកណា​ក៏​ដូច​នរណា​ដែរ គេ​មិន​ចូលចិត្ត​ធ្វើការ​ជាមួយ​អ្នក​ត្អូញត្អែរ​ច្រើន​ឡើយ​។​

Source: http://akt-news.com


Pleas Follow us to have more news to read...

(សូមចុច Following ដើម្បីមានពត៌មានអានជាច្រើនទៀត)

Please Visit Our Site : (ពត៌មានជាច្រើនមាននៅគេហៈទំព័ររបស់យើងខ្ញុំ)

 http://discoverywides.blogspot.com/